Prose
sehar alvii

بابل وے بابل! میں پنچھی اک یار بنایا

بابل وے بابل! میں پنچھی اک یار بنایا سر تے ہے کلغی، اکھیں وچ کجلا پایا تکھی نظر ہے، پیارے نیں پر اوس دے سارے اڈدے ہی جاندے نیں میرے تاں ہوش ہنکارے ناز اٹھاواں میں دل دی نگری وار کے بابل! اپنی ہی دُھن وچ او البیلا میں پایا بابل وے بابل! میں پنچھی اک یار بنایا دنیا دی کوئی سوغات نہ اس نوں بھائی رو رو کے میں تاں مٹی جوانی بنائی میٹھیاں گلاں نہ بھاون، منگے سچی چاہت چوگ دی خاطر میں تن دا ماس کھوایا بابل وے بابل! میں پنچھی اک یار بنایا پنجرے دا اس نے ہر اک تنکا توڑیا وچ منجدھار دے مینوں کلا چھوڑیا اڈاری ماری بدلاں توں اچی جا کے روندی رہی سحرؔ او مڑ کے کدی نہ آیا بابل وے بابل! میں پنچھی اک یار بنایا