PoetryB Goshagoshi
se
Poet: sehar alvii

B Goshagoshi ID: 0786

Verified Original Poetry

تیرے پیار کی چادر

تیری چاہ میں کئی چاہَتیں بُھلائے بیٹھی ہُوں میں دِل میں اِک تیری چاہت بسائے بیٹھی ہُوں نہ کوئی شرط، نہ دعویٰ، نہ حاصلِ ضِد کوئی میں بے غَرَض ہی یہ رِشتہ بنائے بیٹھی ہُوں سُنا ہے لوگ محبت میں ہار جاتے ہیں میں سب کُچھ جیت کے تُجھ پر لُٹائے بیٹھی ہُوں تیری اِک نظرِ اِلتفات کی خاطر میں اپنی پلکوں پہ سپنے سجائے بیٹھی ہُوں حیا کا رنگ جو اُبھرا ہے میرے چہرے پر میں اپنے دل کا ہر اِک راز بتائے بیٹھی ہُوں طلب نہیں ہے مُجھے اب کسی بھی دُنیا کی میں تیرے عِشق کو حاصل بنائے بیٹھی ہُوں تیری یاد سے روشن ہے میری تنہائی میں دل کے کونے میں شمعیں جلائے بیٹھی ہُوں سبھی رنگ زمانے کے میں نے چھوڑ دیے تُمہارے نام کا کاجل لگائے بیٹھی ہُوں مرا وجود تو محض اِک عکس ہے تیرا میں خود کو تیرے سانچے میں ڈھالے بیٹھی ہُوں زمانے بھر کے گِلے شِکوے بُھول کر میں تو بس تیری ہی بانہوں میں سمائے بیٹھی ہُوں محبتوں میں کوئی سودے بازی ہوتی نہیں میں تو خود جان بھی نذرانہ بنائے بیٹھی ہُوں تیری راہ تکے جا رہی ہیں یہ آنکھیں میں اپنی رُوح کو بھی مُنتظِر بنائے بیٹھی ہُوں اگرچہ دُوری کا موسم ہے درمیاں لیکن میں دل کے پاس تُمہیں اب چُھپائے بیٹھی ہُوں نہ خوفِ وقت، نہ دُنیا کا کُچھ ڈر مُجھ کو میں تیرے پیار کی چادر اوڑھائے بیٹھی ہُوں بنائے رکھتی ہے جو ہر پل مُجھے تُمہارا ہی میں ایسی پاک محبت کمائے بیٹھی ہُوں تیری گُفتگو، لہجہ، تُمہاری سب باتیں میں اِک اِک کو دل میں سجائے بیٹھی ہُوں کسی بھی چیز کی پروا نہیں رہی مُجھ کو میں خود کو تیری دُھن میں گنوائے بیٹھی ہُوں مرا یہ پیار ہے خُوشبو کی طرح بے پروا میں اُسے ہر سُو زمانے میں پھیلائے بیٹھی ہُوں خُلوصِ دل سے جو مانگا تھا میں نے کبھی میں آج اُس کو مُقدّر بنائے بیٹھی ہُوں تم مُجھے تفریحِ وقت کا اِک نُقطہ سمجھو میں اپنی ذات کو تُجھ پر ہی مِٹائے بیٹھی ہُوں کہا جو خیال میں تُم نے کہ تُم میری ہو سحر میں اُسے ہی حقیقت بنائے بیٹھی ہُوں