se
Poet: sehar alvii
B Goshagoshi ID: 0786
Verified Original Poetry
قسمت ہووے پر ماڈی نا ہووے
قسمت ہووے پر ماڈی نا ہووے
چل ماڈی ہووے پر ساری نا ہووے
کرے ہر کوئی مان اپنے زور تے
پر جگ تے چلدی عیاری نا ہووے
بنا کے جو بیٹھے محفل وچ رتبہ
اوہدے ہتھوں کسے دی دل آزاری نا ہووے
بٹھائیے جس نوں سر تے دلوں مان دے کے
اوہدی جُتی فر سر تے بھاری نا ہووے
سکھاں دے پچھے تاں ہر کوئی نسدا
دکھاں دی لمی کوئی باری نا ہووے
رکھیں توں جگ تے بھانویں یار بتہرے
پر سجناں نال کدی غداری نا ہووے
نہ منگ توں جگ توں محل چوبارے
پر گھر وچ کدی ناداری نا ہووے
لکھاں توں صدمے ہس کے جَر لے
پر دل تے لگی کوئی لاچاری نا ہووے
نہ ملن دلاں نوں بھانویں دلاں دے رستے
پر جگ تے سحرؔ کسے دی خواری نہ ہووے